ਨਵੀਂ ਦਿੱਲੀ : ਕੋਰੋਨਾ ਮਹਾਮਾਰੀ ਦਾ ਪ੍ਰਕੋਪ ਲਗਾਤਾਰ ਵਧਦਾ ਜਾ ਰਿਹਾ ਹੈ। ਇਸ ਦੇ ਚਲਦਿਆਂ ਆਏ ਦਿਨ ਵੱਡੇ ਪੱਧਰ ‘ਤੇ ਮੌਤਾਂ ਵੀ ਹੋ ਰਹੀ ਹੈ।ਇਸੇ ਦੌਰਾਨ ਛੋਟੇ ਪਰਦੇ ਦੇ ਅਦਾਕਾਰ ਗੋਰਵ ਚੋਪੜਾ ਦੀ ਜਿੰਦਗੀ ‘ਤੇ ਦੁੱਖਾਂ ਦਾ ਪਹਾੜ ਟੁੱਟ ਗਿਆ ਹੈ। ਅਜਿਹਾ ਇਸ ਲਈ ਕਿਹਾ ਜਾ ਰਿਹਾ ਹੈ ਕਿਉਂਕਿ ਗੌਰਵ ਚੋਪੜਾ ਦੇ ਪਿਤਾ ਇਸ ਫਾਨੀ ਦੁਨੀਆਂ ਨੂੰ ਅਲਵਿਦਾ ਕਹਿ ਗਏ ਹਨ। ਜ਼ਿਕਰ ਏ ਖਾਸ ਇਸ ਤੋਂ 10 ਪਹਿਲਾਂ ਹੀ ਗੌਰਵ ਚੋਪੜਾ ਦੀ ਮਾਤਾ ਜੀ ਦਾ ਵੀ ਦੇਹਾਂਤ ਹੋ ਗਿਆ ਸੀ। ਜਾਣਕਾਰੀ ਮੁਤਾਬਿਕ ਗੌਰਵ ਦੇ ਪਿਤਾ ਕੋਰੋਨਾ ਸਕਰਾਤਮਕ ਸਨ ਤੇ ਉਨ੍ਹਾਂ ਦਾ ਇਲਾਜ਼ ਦਿੱਲੀ ਦੇ ਹਸਪਤਾਲ ‘ਚ ਚੱਲ ਰਿਹਾ ਸੀ । ਜੇਕਰ ਗੱਲ ਗੌਰਵ ਦੀ ਮਾਤਾ ਜੀ ਦੀ ਕਰੀਏ ਤਾਂ ਉਹ ਕੈਂਸਰ ਦੀ ਬਿਮਾਰੀ ਨਾਲ ਪੀੜਤ ਸਨ। ਰਿਪੋਰਟਾਂ ਇਹ ਵੀ ਮਿਲ ਰਹੀਆਂ ਹਨ ਕਿ ਉਨ੍ਹਾਂ ਦੀ ਮਾਤਾ ਦੀ ਰਿਪੋਰਟ ਵੀ ਕੋਰੋਨਾ ਪਾਜ਼ਿਿਟਵ ਆਈ ਸੀ।

ਇਸ ਦੀ ਜਾਣਕਾਰੀ ਖੁਦ ਗੌਰਵ ਚੋਪੜਾ ਨੇ ਆਪਣੇ ਟਵੀਟਰ ਹੈਂਡਲ ਜਰੀਏ ਦਿੱਤੀ ਹੈ। ਇਸ ਮੌਕੇ ਚੋਪੜਾ ਨੇ ਭਾਵੁਕ ਸ਼ਬਦ ਵੀ ਲਿਖੇ। ਇਸ ਮੌਕੇ ਚੋਪੜਾ ਨੇ ਲਿਿਖਆ ਕਿ ਉਨ੍ਹਾਂ ਨੂੰ ਬਹੁਤ ਦੁੱਖ ਹੋਇਆ ਕਿ ਉਸ ਦੇ ਮਾਤਾ ਪਿਤਾ ਦਾ ਸਿਰਫ 10 ਦਿਨਾਂ ਦੇ ਅੰਦਰ ਹੀ ਦੇਹਾਂਤ ਹੋ ਗਿਆ। ਜ਼ਿਕਰ ਏ ਖਾਸ ਹੈ ਕਿ ਇਸ ਤੋਂ 20 ਦਿਨ ਪਹਿਲਾਂ ਹੀ ਗੌਰਵ ਨੇ ਆਪਣੀ ਮਾਤਾ ਦੇ ਦੇਹਾਂਤ ਦੀ ਜਾਣਕਾਰੀ ਦਿੱਤੀ ਸੀ।